Нәпсі

Нәпсі

Нәпсі үшін адамзат туылыпты,
Қу құлқынның не деген туы мықты!
Адам ата, Хауа ана «жеп қойған соң»,
Ұсталып қап...
Жұмақтан қуылыпты.

Жеп қойыпты жемісін,
«жеме» десе,
Нәпсі бұзған көңілін, неге десе.
Жүрер едік пейіште періштемен,
Сол құрғырды көрсе де елемесе.

Бұ дүниеге әйтпесе,
келмес едік,
Келмеген соң әрине,
Өлмес едік...
О дүниеде жүргенде, періштелер,
Бұ дүние бар десе, сенбес едік.

Келдік міне...
Нәпсінің кесірінен,
Тәңірінің қаһарлы кесімімен.
Өмір бойы өтеміз жалбарынып,
«Қарай гөр деп, Тәңірім кешіріммен».

Жаздай жұтсақ жұқ болмай,
Қыстай тамсап,
Бірдеңені жүреміз іштей аңсап...
Тәңірі Алла,
«кешірем» деген екен,
Қу Нәпсіні,
Құрықтап ұстай алсақ.

28.09.2012 ж.