Квадрат

КВАДРАТ (песня на верш Адама Глобуса, зборнік "Тутэйшыя,1989 г.)

Як парад
Без салдат —
Не парад,
Так квадрат
Без вуглоў —
Не квадрат.
Як футболу патрэбны галы,
Так квадрату патрэбны вуглы.

У квадрата чатыры вуглы,
Хай вялікі ці самы малы,
А ўсё роўна, як ні павярні,—
У квадрата чатыры вуглы.

Не адзін, і не тры, і не пяць...
Можаш плакаць, а можаш скакаць,
Можаш біцца аб столь галавой —
Ты не зменіш сістэмы старой.

Так вучылі і будуць вучыць.
Не змяніць, не стрымаць, не спыніць
Гэты добраахвотны палон,
Гэты самы грунтоўны закон.

У квадрата чатыры вуглы.
Хай вялікі ці самы малы,
А ўсё роўна, як ні павярні,—
У квадрата чатыры вуглы.

Час ідзе,
Час ляціць,
Час імчыць.
Не стрымаць,
Не спыніць,
Не разбіць...
Росквіт вызначыць занянад.
Застанецца нязменным квадрат.