Ты снішся мне...

Ты снішся мне…

З адным табою думкамі хмялею,
У мроях чую голас трапяткі.
Сустрэчай нашай цешу я надзею,
Хачу адчуць цяпло тваёй рукі.

Прыпеў:
Ты снішся мне нябеснай аблачынкай,
А мары ўдаль праз сон мяне завуць
І павісаюць тонкай павуцінкай
Ды на вятрах пачуццямі пяюць.

Распавядай мне аб сваім каханні,
Кахання плынь размые берагі,
Распавядай і ўвечары, і ўранні,
Засцеражы ад суму і тугі.

Ты атуліў мяне пад час спаткання,
Як атуляюць зоркі маладзік.
Святлом узнёслым нашага кахання,
Ты рыцар мой, мой  вечны чараўнік.