Ах, гэта школьнае каханне...

Ах гэта школьнае каханне…

Надышоў чароўны летні вечар,
У чаканні першае сустрэчы,
Вобраз твой мяне навек зачараваў.
Знаю: спеў душы маёй ты чуеш,
Аб сустрэчы марыш і сумуеш,
Мой дзявочы сон нібыта хто ўкраў.

Прыпеў:
Ах, гэта школьнае каханне,
Вачэй і душ зачараванне.
Пачуццяў хвалю часам не спыніць,
Ах, гэта першае спатканне,
Тваё нясмелае прызнанне
Чароўнаю мелодыяй гучыць.

2 куп.
Не забыць нам гэтае спатканне,
Як малітву, ты шаптаў прызнанне,
Хваляванне сэрцаў нашых не суняць.
Палявыя кветкі ў падарунак,
Асцярожны першы пацалунак.
Божа мой, як соладка цябе кахаць.

Прыпеў: