На кургане

На белорусском языке

Слова - Фота Ляшонок
Музыка и исполнение - Николай Яцков


Кожны раз, калі ў вёсцы бываю,
Каб наведаць старэнькіх бацькоў,
На знаёмы курган завітаю,
Як да сябра мінулых гадоў.

Вось і зноў мне пашчасціла ў госці
Заглянуць на дзянёчак туды,
Дзе мінулі маёй маладосці,
Як стрыжы над вадою, - гады.

П р ы п е ў  : Там цудоўныя з кветак карункі,
Там гудзенне чмялёў у траве,
І раяцца няспешныя думкі
Ў пасівелай маёй галаве.

Люба мне, калі звонка ў зеніце
Доўжаць песні свае жаўрукі
І, як водбліскі неба, у жыце
Маладыя цвітуць васількі.

Там спрабую, хаця б ненадоўга,
Ўсе сумненні развеяць свае,
Дзе, як колісь, мяне маладога
У палі перапёлка заве.

П р ы п е ў .

Я імкнуся на гэтым кургане
Бавіць час як мага найчасцей,
Бо заўважыў: ад гэтых спатканняў
Лепш на сэрцы і ў думках – чысцей.

П р ы п е ў .