Новыя берагі

На белорусском языке

Слова - Раиса Боровикова
Музыка - Николай Яцков
Исполнение - Алла Яцкова и Николай Яцков


Адплывуць за пясчаную выспу
Адгарэлага лета дымы,
Я цябе адзінотаю высню,
Ты мяне напаслед абдымі.

Валасоў маіх ніць залатая
Ападзе на гарачую скронь,
Не трымаю! Няхай адлятае
Неразумнага сэрца агонь.

П р ы п е ў  : Ноч агнямі ў акне адміргае,
Прымуць новыя нас берагі,
За мяне адкахае другая,
За цябе дацалуе другі.

На галінах, ад ветру каляных.
Захлынаецца лісце ў журбе,
У імя несустрэтых каханых
Я аднойчы забуду цябе.

Там, дзе верасень пройдзе ўрадлівы,
Дзе крынічны заб’ецца выток,
Упадзе на зямлю сіратлівы
Адгарэлага лета лісток.

П р ы п е ў  : І нішто не ўстрывожыць з гадамі,
Не ўсхвалюе чаканым званком,
За цябе адсумую радкамі,
За сябе абляцелым лістком.

Ноч агнямі ў акне адміргае,
Прымуць новыя нас берагі,
За мяне адкахае другая,
За цябе дацалуе другі,
За мяне адкахае другая,
За цябе дацалуе другі.