Шэры попел, залатыя вугалі

На белорусском языке

Слова - Виктор Шнип
Музыка и исполнение - Николай Яцков


Шэры попел, залатыя вугалі.
Цені дрэў у цёплых росах падраслі.
І пара мне думаць, дзе начлег знайсці –
Ці застацца ў лесе, ці ў сяло ісці.

“Заначуй у полі!” – мне крычыць каршун.
“Заставайся ў лесе!” – шэпча мне лясун.

І ніхто не кліча нанач у сяло:
Шмат сялом за лета валацуг прайшло.
І яны хацелі хлеба і вады,
І яны ўцякалі ад чужой бяды…

“Заначуй у полі!” – мне крычыць каршун.
“Заставайся ў лесе!” – шэпча мне лясун.

Застануся ў лесе, валацуга ж я,
Хай мяне укусіць чорная змяя.
… Шэры попел, залатыя вугалі –
І няма прытулку на сваёй зямлі.

“Заначуй у полі!” – мне крычыць каршун.
“Заставайся ў лесе!” – шэпча мне лясун.