Қош бол балабақша! (өлең)

Балдырған бұрын болдық,
Тәрбиешелерді тыңдадық:
Жаттығуды жасадық,
Ойыншықпен ойнадық.

Күліп, жүріп, жүгірдік,
Доп ойнадық, секірдік.
Сурет салып, ән айттық,
Әлеппені оқыдық.

Әріптер мен сан жаздық,
Тамақ ішіп демалдық.
Енді біз үлкен болдық,
Мектепке дайыңдалдық.

Сіздерге рахмет айтамыз,
Балабақшамен қоштасамыз.
Ешқашан біз ұмытпаймыз,
Жүректе бәрін сақтаймыз.

Қош бол балабақша!
Күндер болды тамаша!
Мектепке енді барамыз,
Сабаққа дайындаламыз!